BOOTVAART IN NEDERLAND EN OP DIE YSSELMEER
4 – 14 Mei 2024

Suksesvol afgehandel

R53 995 per persoon plus lughawebelasting en fooitjies van ongeveer R7 482 en koste van visum en reisversekering, wat volgens eie behoefte bepaal word (sien NIE INGESLUIT BY DIE TOERPRYS NIE in die Nadere Besonderhede).

Die boot gaan hoofsaaklik in Nederlandse waters vaar en by van die mooiste Nederlandse dorpies aan die Ysselmeer – wat hul karakter vir eeue lank behou het – vasmeer.
Dit is die eerste keer dat ons 'n vaart hoofsaaklik in Nederlandse waters met 'n besoek aan Keukenhof kombineer. 
Hierdie besoek aan ons stamland beloof om 'n baie verrykende ervaring te wees!  Ons stap terug in die verlede en beleef iets van ons eie herkoms.
Ons ontdek nuwe bestemmings in Nederland, ervaar die polsende ritme van Amsterdam en besoek sprokiesmooi dorpies soos Giethoorn en Hindeloopen, wat almal ouer as Suid-Afrika is.
Ons is besonder gesteld op die gehalte van die toere wat ons aanbied.
Deegike beplanning, hoogstaande kwaliteit en toere wat absolute waarde vir geld waarborg, is ons prioriteit.
Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen.  Daarom is een van die groot kenmerke van ons toere die hegte vriendskapsbande wat onderling gesmee word.  Ons vertrou dat hierdie toer ook vir u 'n onvergeetlike ervaring sal wees!

Klik op die volgende dokumente vir volledige inligting:
Volledige Toerprogram Nederland en Ysselmeer
Nadere Besonderhede
Inskrywingsvorm
Vrywaring

BETALINGS
Toerdeposito's is met inskrywing betaalbaar (Sien Nadere besonderhede en inskrywingsvorm) 
Alle betalings (behalwe deposito's) word eers gemaak wanneer u per omsendbrief daaroor ingelig word.
Kontantinbetalings
Kontantinbetalingskoste moet by inbetalings ingesluit word.  Vra u bank hoeveel dit beloop (ongeveer 1% van die inbetalingsbedrag)
Bankdeposito's en elektroniese oorplasings (EFT):
Banknaam: Standard Bank
Rekeningnaam: Christine van Wyk-Toere
Rekeningnommer: 410 722 782
Takkode: 051 001
Kredietkaartbetalings  
Kredeitkaartbetalings is nie meer beskikbaar nie aangesien die bankkoste van 5% die toerprys onnodig duurder maak, daarom beveel ons dit nie aan nie.