TOERE 2024

'n Kort opsomming van toere wat ons vir 2024 beplan.  Volledige inligting sal binnekort beskikbaar wees.  Van die toere kan dalk weggelaat word en ander toere bygevoeg word weens meer of minder belangstelling:
Gaan na ons kontakvorm vir inligting oor toere waarin u belangstel en ons plaas u naam op die verspreidingslys.  Ons stuur die inligting sodra beskikbaar.

Wintertoer na Skandinawië: 16 – 26 Maart  2024 (Klik op die toernaam vir volledige inligting) Suksesvol afgehandel
Toerprys: R81 000
Winter in 'n wonderwêreld van sneeu en noorderligte in Swede en Noorweë.  Hoogtepunte oa  besoek aan yshotel, sleerit en Noorderligekskursies.

Rynvaart en Swartwoud: 23 April – 3 Mei 2024 (Opsie 1): (Klik op die toernaam vir volledige inligting) Suksesvol afgehandel
Toerprys: R59 980
6 nagte bootvaart op die Ryn en 2 nagte in die Swartwoud.
Die toer skop af in Amsterdam in Nederland, waar ons o.m. Keukenhof besoek om die blommeprag te besigtig.  Vanaf Amsterdam vaar die boot op die Ryn tot in Keulen met sy indrukwekkende Domkerk – die hoogste tweetoringkerk in die wêreld en, met meer as sesmiljoen besoekers per jaar, 'n waardige UNESCO-wêrelderfenisgebied.
Vanaf  Mainz vaar ons op die romantiese roete van die Ryn en verkyk ons aan die talle kastele uit toeka se dae – elk met sy eie geskiedenis, verhaal of legende.
Daarna vaar ons voort na Strasbourg met sy beroemde eentoring-katedraal.  Ons spandeer tyd in die Franse stad Strasbourg voordat ons deur die Franse platteland ry en van die bekoorlike dorpies besoek.  Ons oornag in Titisee in die hart van die Swartwoud.

Rynvaart, Swartwoud en Switserland: 23 April – 12 Mei 2024. (Opsie 2) 
Toerprys: R87 980
Bg plus Rynvalle, Luzern, en 9 nagte in Switserland.  Opsionele uitstappies in Switserland wat beplan word volgens die weer.

Switserland alleen: 1 – 12 Mei 2024 (Opsie 3)
Toerprys: R52 530
Bly in Beatenberg in die Switserse Alpe en onderneem opsionele bus-uitstappies, soos die weer dit toelaat, na o.a. die bergreuse Jungfrau en Schilthorn.

Bootvaart o.a. op die Ysselmeer in Nederland: 4 – 14 Mei 2024, MET KEUKENHOF. (Klik op toernaam vir volledige inligting) Suksesvol afgehandel
Toerprys: R53 995
Daar sal tyd wees om in Amsterdam te spandeer, Keukenhof te sien en dan juweelplekkies aan die Ysselmeer en Nederland.  Ons besoek oa Hoorn, Enkhuizen, die bekoorlike dorpie Hindeloopen, Kampen, overgeetlike Giethoorn, 'n pragtige dorpie Wijk bij Duurstede naby Utrecht.  'n Ideale toer vir ouers wie se kinders in Nederland woon en werk.

Somertoer in Noorweë : (Klik op toernaam vir volledige inligting)
7 - 17  Junie: Toerprys: R69 800  
Die reis is hoofsaaklik in Noorweë as gevolg van die besondere natuurskoon

Toer na André Rieu-konsert  met België: 5 - 14 Julie 2024 (Klik op toernaam vir volledige inligting)
Toerprys: R56 320: Vier nagte bootvaart en 3 nagte in België

Bootvaart na Athene en die Griekse Eilande: 16 - 27 Mei 2024.  Die bootvaart is deur die bootmaatskappy gekanselleer.
Toerprys: R64 480
Twee nagte in Athene, besoek oa Santorini, Cyprus, Kusadasi en terug na Athene.  Dis 'n toer wat nie net die hoogtepunte van die Griekse, en dus Westerse, beskawing lewendig maak nie, maar die prag en skoonheid van die Griekse eilande vir elke toerganger 'n onvergeetlike belewenis inhou.

Donauvaart: 19 - 29  Augustus 2024.  (Klik op toernaam vir volledige inligting)
Hierdie vaart op die romantiese Donau is een van ons gewildste bootvaarte van Budapest na Passau.  Met drie etes per dag op die boot, en interessante uitstappies waar ons vasmeer o.a. 'n musiekkonsert in Wene.  Ondanks die ontwikkeling van hierdie plekke is dit interessant hoe die antieke kultuur steeds bewaar word.  Dit is 'n verkenningstog na die verlede.

Bootvaart in Spanje:  21 -30 Aug 2024 (Klik op toernaam vir volledige inligting)
Hierdie vaart is reeds bespreek en vertrek uit Seville.  Ons besoek Cordoba, ons vaar verby Donana Nasioale Park, 'n Wêrelderfenisgebied.  Ons besoek Cadiz, 'n stoetplaas in Jerez met 'n perdevertoning en  vaar na El Puerto de Santa Maria en geniet 'n Flamenco-aand vertoning op die boot. In Granada bewonder ons die manjifieke Alhambra. Die vaart bied verskeie hoogtepunte.
Sodra die vlugte bevestig is sal ons die inligting bekend maak. 

Kersfeestoer: 18 - 28 Desember 2024 Toerprys R64 480
Drie nagte in die Swartwoud met geleentheid om 'n deel van die Franse platteland in Alsace te besoek asook Duitse Kersmarkte in die Swartwoud in Duitsland.
Daarna volg vyf nagte se verblyf in die skilderagtige Switserse dorpie Beatenberg in die Switserse Alpe.

Die toere sluit oorsese vlugte in, maar nie lughawebelasting, fooitjies en reisversekering nie.

Binnelandse Toere: (Klik op Binnelandse toere vir volledige inligting)

Wildtuintoer en Panoramaroete:  5 – 11 Junie   Toer is gekanselleer

Weskus-blommetoer en Cederberg:  19 – 26 Augustus
Verskeidenheid blomme, Cederberg met rotsformasies, Wupperthal, rieldanse en Weskus met vele hoogtepunte.

Drakensberge

Clarens en Ficksburg Kersietoer: November