DONAUVAART EN PRAAG
19 – 29 Augustus 2024

R63 630 plus lughawebelasting en fooitjies van ongeveer R2 960 en koste van visum en reisversekering wat volgens eie behoefte bepaal word.  (Sien NIE INGESLUIT BY DIE TOERPRYS NIE in Nadere Besonderhede)
Die toer begin op die romantiese Donau in Boedapest.  Die pragtige landskap waardeur ons vaar en die dorpe en stede waar ons vasmeer, bring die geskiedenis, kulture en tradisies van die lande vars na elke toerlid toe.
Die boot meer vas in Boedapest, Bratislava, Wene, Melk en Passau.  Daar is opsionele uitstappies vanaf die boot na sommige van die nabygeleë dorpe en stede.  Ons het van die uitstappies of besoekpunte wat 'n mens nie kan mis nie, ingesluit in die toerprys.  Dit is heerlik om op die dek te sit en die mooi landskap en dorpe te sien wat verby beweeg. 
Ons is een ekstra nag in Boedapest voordat ons aan boord van die MS France vir vyf nagte gaan.  Ons reis ná die bootvaart per bus na Praag vir twee nagte in die ou stad.  Drie maaltye per dag, tee, koffie en meeste drankies saam met maaltye is tydens die verblyf op die boot ingesluit.  Vir die res van die toer is twee maaltye per dag ingesluit.
Ons is besonder gesteld op die gehalte van ons toere.  Deeglike beplanning, hoogstaande kwaliteit en toere wat absolute waarde vir geld waarborg, is ons prioriteit. 
Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen.  Daarom is een van die groot kenmerke van ons toere die hegte vriendskapsbande wat gesmee word. 

Klik op die volgende dokumente vir volledige inligting:
Volledige Program
Nadere Besonderhede
Inskrywingsvorm
Vrywaring

BETALINGS
Toerdeposito's is met inskrywing betaalbaar (Sien Nadere besonderhede en inskrywingsvorm) 
Alle betalings (behalwe deposito's) word eers gemaak wanneer u per omsendbrief daaroor ingelig word.
Kontantinbetalings
Kontantinbetalingskoste moet by inbetalings ingesluit word.  Vra u bank hoeveel dit beloop (ongeveer 1% van die inbetalingsbedrag)
Bankdeposito's en elektroniese oorplasings (EFT)
Sien EFT hieronder
Kredietkaartbetalings  
Deposito's en landreëlings kan per kredietkaart te betaal word.
BELANGRIK:  Bankdiensfooi van 5% is betaalbaar.  Hierdie bedrag moet bereken en ekstra met alle betalings gemaak word.  Aangesien dit die toerprys onnodig duurder maak, beveel ons dit nie aan nie Klik op die 'Pay Now'-skakel onder vir kredietkaartbetalings