RYNVAART SWITSERLAND EN PASSIESPEL

07 tot 21/23 Mei 2020
  Hierdie gewilde toer bied twee opsies, 6 nagte bootvaart op Ryn, 2 nagte in Swartwoud, twee of vier nagte in Switser Alpe en twee nagte in Oberammergau vir Passiespel

 RYNVAART 2020

07 tot 21/23 Mei 2020
OPSIE 1: RYNVAART, SWARTWOUD, SWITSERLAND EN PASSIESPEL 07 – 21 Mei 
Prys:R56 380 plus lughawebelasting en fooitjies van ongeveer R8 300 en koste van visum en reisversekering wat volgens eie behoefte bepaal word.
OPSIE 2: SOOS OPSIE 1 PLUS 2 EKSTRA NAGTE IN SWITSERLAND 07 – 23 Mei 
Prys: R59 880 plus lughawebelasting en fooitjies van ongeveer R8 300 en koste van visum en reisversekering wat volgens eie behoefte bepaal word.
*Sien Nadere Besonderhede vir verpligte uitgawes en wat nie ingesluit is by die toerprys nie.
Reisversekering word volgens eie behoefte bepaal
Dié toer neem u na Nederland, Duitsland, Switserland en selfs 'n stukkie van Frankryk.
Dan woon u natuurlik ook die Passiespel in Oberammergau by. Dis 'n dramatiese opvoering wat die lyding, kruisdood, opstanding en hemelvaart van Jesus uitbeeld. Elkeen wat dit al bygewoon het, beskryf dit as 'n belewenis wat 'n mens altyd bybly.
Voeg by die Passiespel, die onvergelyklike blommeprag van Keukenhof, die bootvaart op die Ryn, 'n besoek aan die Swartwoud en twee of vier nagte se verblyf in die pragtige       Switserse Alpedorpie Beatenberg, dan het 'n mens 'n droomtoer wat jou binne twee weke na van die mooiste plekke in Europa neem.
Dis 'n rustige toer en bied 'n kombinasie van natuurskoon, indrukwekkende ou stede en idilliese klein dorpies, sommige waarvan uit die Romeinse tyd dateer. Drie watertand etes per dag op die boot en twee etes per dag in die hotelle is by die toerprys ingesluit!
Behalwe verskeie hoogtepunte, soos die besoek aan Keukenhof – die wêreld se grootste blomtuin – is daar gedurende die toer genoeg vrye tyd om die plekke wat ons besoek self te verken.
Besoeke aan Volendam, Keulen met sy indrukwekkende katedraal, die lewendige stadjie Rüdesheim, pragtige Strasbourg, 'n voldag in die Franse platteland, twee nagte in die hartjie van die Swartwoud en twee of vier nagte in Switserland is by die toerprys ingesluit. Dit is moontlik om opsionele uitstappies, soos 'n besoek aan Heidelberg, vanaf die boot te onderneem.
In Switserland gaan die groep tuis in 'n pragtige hotel in die Bernese Hoogland. Die hotel bied 'n ongelooflike uitsig oor die Thunmeer en op Switserland se drie bergreuse: die Jungfrau,   die Mönch en die Eiger. 
Switserland bied sy eie bekoring met onder meer sneeubedekte berge, reusagtige gletsers, pragtige watervalle en die allermooiste bergdorpies. Indien die weer dit toelaat, onderneem die groep opsionele dagtoere vanaf ons hotel na van die mooiste dele Switserland.
Ons is besonder gesteld op die gehalte van ons toere. Deeglike beplanning, hoogstaande kwaliteit en toere wat absolute waarde vir geld waarborg, is ons prioriteit.
Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen. Daarom is een van die groot kenmerke van ons toere die hegte vriendskapsbande wat onderling gesmee word.
Ons vertrou dat hierdie toer weer 'n treffer sal wees!
Klik op die volgende dokumente vir volledige inligting:
Volledige Toerprogram
Switserland Droomvakansie
Nadere Besonderhede
Inskrywingsvorm
Vrywaring

BETALINGS
Toerdeposito's is met inskrywing betaalbaar (Sien Nadere besonderhede en inskrywingsvorm) 
Alle betalings (behalwe deposito's) word eers gemaak wanneer u per omsendbrief daaroor ingelig word
Kontantinbetalings
Kontantinbetalingskoste moet by inbetalings ingesluit word.  Vra u bank hoeveel dit beloop (ongeveer 1% van die inbetalingsbedrag)
Bankdeposito's en elektroniese oorplasings (EFT)
Sien EFT hieronder
Kredietkaartbetalings  
Deposito's en landreëlings kan per kredietkaart betaal word.
BELANGRIK:  Bankdiensfooi van 4% is betaalbaar.  Hierdie bedrag moet bereken en ekstra met alle betalings gemaak word.  Aangesien dit die toerprys onnodig duurder maak, beveel ons dit nie aan nie
Klik op die 'Pay Now'-skakel onder vir kredietkaartbetalings

EFT:  
Bank:
Standard Bank
Rekening: Cheque/Transmission
Rekeningnaam: Christine van Wyk-Toere
Takkode: 051001
Rekeningnommer: 410722782

 

Kredietkaartbetaling:

*Bereken 4% bankdiensfooi ekstra en voeg by kredietkaartbetalings

* Price

%MCEPASTEBIN%
Christine van Wyk-Toere

CHRISTINE VAN WYK-TOERE is 'n familie-onderneming wat baie waarde heg aan hoëkwaliteit-diens. Met amper 40 jaar se ervaring in díe veld, het Christine se Toere vir die Fynproewer al 'n huishoudelike naam geword by elke Suid-Afrikaner wat in buitelandse gehaltetoere belangstel.