Wedstryd Wenner

Wenner van Rynvaart vir 2
 DROOMVAART WORD/ WERKLIKHEID
 

Vreugde is 'n gratis bootvaart vir twee op die Ryn.  Hier ontvang Linda Rautenbach (links), wenner van Christine van Wyk-Toere en Media24 se landswye wedstryd haar geskenkbewys van Franita Botha, besturende direkteur van CvW-Toere. Regs is Linda se man, Ilandre.   

(Vir nog foto's van die oorhandiging, gaan na Album: Foto's of klik hier)

  

 

 

 

 

Toe Linda Rautenbach van Port Elizabeth om 06:30 op 24 Februarie opgestaan het, het sy aangetrek, die bed opgemaak, al haar diere gaan voer en haar gebruiklike koppie tee gaan maak. Sy het geweet: Hierdie gaan net nóg ‘n gewone Woensdag-werkdag wees…

Toe nie! Linda vertel dat sy redelik "af" gevoel het die laaste tyd as gevolg van die uitdagings wat Covid-19 teweeggebring het.  Gedurende haar getroue oggendstiltetyd, ontvang sy duidelik die volgende boodskap: Jy moet ‘n toekomsverwagting hê. Die Vader sal vir jou die regte ding op die regte tyd gee.  Soos altyd, het sy die kerngedagte van haar stiltetyd op haar hand geskryf. 24 Februarie s’n was TOEKOMSVERWAGTING.

Ongeveer 10 ure later lui haar selfoon. Franita Botha, besturende direkteur van Christine van Wyk-Toere, val met die deur in die huis: "Linda, jy is die wenner van Christine van Wyk-Toere en Media 24 se landwye wedstryd. Jy wen ‘n Rynvaart vir 2!"

Die ongeloof was byna tasbaar.

"Ek kan dit nie glo nie!  Ek kan dit nie glo nie! Jok julle vir my?" was al wat sy kon uitkry. 

Toe bars sy in trane uit.

Wanneer Linda nou terugdink aan Woensdag, 24 Februarie 2021, en die klomp weke se aanloop daartoe, wéét sy dat géén dag sonder ‘n verwagting aangepak moet word nie. J.R.R. Tolken het tereg geskryf: 'Still round the corner there may wait, a new road or a secret gate.'

Vir Linda Rautenbach en haar man, Ilandré met wie sy vanjaar 30 jaar getroud is, lei die pad deur hierdie betowerende hek, wat Christine van Wyk-Toere vir hulle help oopmaak het, na Keukenhof se blommeprag, wingerde en ou kastele teen die hange van Duitse heuwels, die Romantiese Roete van die Ryn  en bederfverblyf op ‘n Europese boot.

Nou word Linda se droom waar……

LINDA RAUTENBACH SE WEN-INSKRYWING
Waarom wil jy oorsee reis? (In 50 of minder woorde)

Ek werk elke dag, heeldag met skepe, want ek is ‘n verskepingklerk in uitvoere.  Ek droom elke dag daarvan om, soos my dokumente, eendag na al daai plekke te gaan – maar vir my sal dit altyd ‘n container skip en ‘n bestemming op papier bly – DIS hoekom ek wil wen.