ITALIË EN PASSIESPEL

22 Mei tot 06/12 Junie
  Italië is die Europese land met die meeste Unesco-wêrelderfenisgebiede en in vele opsigte die bakermat van die Westerse beskawing.
ITALIË 2020
Opsie 1: 22 Mei – 06 Junie (R62 460 plus *verpligte uitgawes van ongeveer R7 140)
Opsie 1: 22 Mei – 12 Junie (R83 750 plus *verpligte uitgawes van ongeveer R6 780)
*Sien Nadere Besonderhede vir verpligte uitgawes.
Koste van Schengenvisum en Reisversekering word volgens eie behoefte bepaal
Italië is die Europese land met die meeste Unesco-wêrelderfenisgebiede en in vele opsigte die bakermat van die Westerse beskawing. Geen wonder dat dit een van die gewildste toeriste-bestemmings in die wêreld is nie!
Hierdie toer bied 2 opsies waaruit u kan kies. Die langer toeropsie sluit 'n besoek aan die pragtige meredistrik van Noord-Italië in.
'n Besoek aan Oberammergau word aan die einde van toeropsie 1 ingewerk.
Indien u die langer toeropsie wil meemaak, maar nie die Passiespelvertoning wil bywoon nie, sal ons vir u verblyf naby Oberammergau reël sodat u na afloop van die Passiespel weer saam met die groep verder deur Italië kan reis.
Die toerprogram is met sorg uitgewerk om hoogtepunte van ons vorige toere by te werk. Dit sluit pragtige stede soos Rome, Florence en Venesië; die onbeskryflike skoonheid van die Italiaanse Riviera en platteland; en Italië se pragtige Amalfi-roete in.
Ervare toerleiers vergesel die groep en ons reis per luukse bus. Verblyf in drie- en vierster-hotelle met volledige ontbyt en aandete is orals, ook in Oberammergau, by die toerprys ingesluit. Daar is geen verskuilde kostes nie – die meeste uitstappies en/of toegangsgeld is uit die staanspoor by die prys ingewerk. Opsionele toere word telkens duidelik as sulks op die toerprogram aangedui. Ons skakel agente as tussengangers uit en kontak die relevante hotelle, busbestuurders e.d.m. regstreeks in Europa.
Ons is besonder gesteld op die gehalte van ons toere en dit is vir ons van kardinale belang dat toerlede ons toere ten volle geniet. Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen. Daarom is een van die groot kenmerke van ons toere die hegte vriendskapsbande wat onderling gesmee word.
Klik op die volgende dokumente vir volledige inligting:
Volledige Program
Nadere Besonderhede
Inskrywingsvorm
Vrywaring
BETALINGS
Toerdeposito's is met inskrywing betaalbaar (Sien Nadere besonderhede en inskrywingsvorm)
Alle betalings (behalwe deposito's) word eers gemaak wanneer u per omsendbrief daaroor ingelig word.
Kontantinbetalings
Kontantinbetalingskoste moet by inbetalings ingesluit word.  Vra u bank hoeveel dit beloop (ongeveer 1% van die inbetalingsbedrag)
Bankdeposito's en elektroniese oorplasings (EFT)
Sien EFT hieronder
Kredietkaartbetalings 
Deposito's en landreëlings kan per kredietkaart betaal word.
BELANGRIK:  Bankdiensfooi van 4% is betaalbaar.  Hierdie bedrag moet bereken en ekstra met alle betalings gemaak word.  Aangesien dit die toerprys onnodig duurder maak, beveel ons dit nie aan nie Klik op die 'Pay Now'-skakel onder vir kredietkaartbetalings
 

EFT:  
Bank:
Standard Bank
Rekening: Cheque/Transmission
Rekeningnaam: Christine van Wyk-Toere
Takkode: 051001
Rekeningnommer: 410722782

 

Kredietkaartbetaling:

*Bereken 4% bankdiensfooi ekstra en voeg by kredietkaartbetalings

* Price

Christine van Wyk-Toere

CHRISTINE VAN WYK-TOERE is 'n familie-onderneming wat baie waarde heg aan hoëkwaliteit-diens. Met amper 40 jaar se ervaring in díe veld, het Christine se Toere vir die Fynproewer al 'n huishoudelike naam geword by elke Suid-Afrikaner wat in buitelandse gehaltetoere belangstel.