RYNVAART

Kombineer die rustigheid van 'n bootvaart op Europa se grootste rivier vanaf Amsterdam tot in Basel

Opsie A: Rynvaart Alleen 22 April - 06 Mei 2019
(R45 750 plus *verpligte uitgawes van ongeveer R6 650)
Opsie B: Rynvaart en Switserland 22 April – 06 Mei 2019
Opsie A: Rynvaart Alleen 22 April - 06 Mei 2019
(R45 750 plus *verpligte uitgawes van ongeveer R6 650)
Opsie B: Rynvaart en Switserland 22 April – 06 Mei 2019
(R67 770 plus *verpligte uitgawes van ongeveer R7 460)
Opsie C: Switserland Alleen 04 - 15 Mei 2019
(R32 350 plus *verpligte uitgawes van ongeveer R6 580)
(vir meer besonderhede oor hierdie opsie sien Switserland onder Toere)
*Sien Nadere Besonderhede vir verpligte uitgawes.
Reisversekering word volgens eie behoefte bepaal
Die Rynvaart is Christine van Wyk-Toere se vlagskiptoer sedert dit meer as 35 jaar gelede vir die eerste keer aangebied is.  Sedertdien het duisende Suid-Afrikaners hierdie vaart al meegemaak – sommige reeds verskeie kere.
Die Rynvaart begin op 23 April in Amsterdam.  Die toer eindig in die Swartwoud in Duitsland.  Dit is 'n rustige toer en bied 'n kombinasie van natuurskoon, indrukwekkende ou stede en idilliese klein dorpies, sommige waarvan uit die Romeinse tyd dateer.  Drie watertand etes per dag op die boot is by die toerprys ingesluit!
Behalwe verskeie hoogtepunte, soos die besoek aan Keukenhof – die wêreld se grootste blomtuin – is daar gedurende die toer genoeg vrye tyd om plekke self te verken. 
Besoeke aan Volendam, Keulen met sy indrukwekkende katedraal, die pragtige Rüdesheim, Speyer, Strasbourg, ‘n voldag in die Franse platteland en twee nagte se verbyf in die Swartwoud is by die toerprys ingesluit. 
Ons boot vaar op die sogenaamde Kasteelroete van die Ryn – 'n Unesco-wêrelderfenisgebied met talle kastele wat die glorie van weleer in herinnering roep.  Ons beleef ook 'n deel van die natuurskone Moeselvallei wanneer ons na die pragtige Middeleeuse stadjie Cochem vaar. 
U kan die Ryntoer verleng met 'n besoek aan Switserland of nét Switserland ook as 'n aparte toer besoek.
Ons is besonder gesteld op die gehalte van ons toere.  Deeglike beplanning, hoogstaande kwaliteit en toere wat absolute waarde vir geld waarborg, is ons prioriteit. 
Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen.  Daarom is een van die groot kenmerke van ons toere die hegte vriendskapsbande wat onderling gesmee word. 
Ons vertrou dat Ryntoer 2019 weer 'n treffer sal wees!
Klik op die volgende dokumente vir volledige inligting: