SWITSERLAND 2019
04 - 15 Mei
(R32 350 plus *verpligte uitgawes van R6 580)
*Sien Nadere Besonderhede vir verpligte uitgawes.
Reisversekering word volgens eie behoefte bepaal
Kan met Rynvaart gekombineer word
RYN EN SWITSERLAND: 22 April - 15 Mei
(R67 770 plus *verpligte uitgawes van R7 460)

Dorint Hotel

 

 

Toerlede wat slegs Switserland besoek, vertrek op 4 Mei vanaf Suid-Afrika oor Amsterdam na Zürich, waar hulle per luukse bus na Beatenberg in die Switserse Alpe geneem word.

Diegene wat die Ryntoer onderneem en dié reis na Switserland verleng, word vanaf Titisee-Neustadt in die Swartwoud per bus na Beatenberg vervoer. (Sien Toerprogram.)

Vir 9 nagte bly ons in die Dorint Blüemlisalphotel in Beatenberg, bo in die Alpe. Dit is in die hartjie van die Bernese Hoogland, slegs 10 km van Interlaken af. Almal wat reeds dié toer meegemaak het, kan getuig dat dit 'n onvergeetlike belewenis is. 'n Mens kan selfs maar net in Beatenberg bly en die geselligheid van die hotel en asemrowende uitsig en omgewing geniet, dan is 'n mens se verblyf reeds oor en oor die moeite werd. Onderneem jy dan boonop sommige van die opsionele dagtoere, word dit die ervaring van 'n leeftyd!

WAAROM JUIS BEATENBERG?

Switserland het natuurlik ook ander pragtige dele, maar nêrens is die verskeidenheid van natuurskoon geografies so naby mekaar geleë as vanaf Beatenberg nie! Hier beleef 'n mens alles wat jy in die res van Switserland kry én meer!

Beatenberg lê bo teen die Niederhorn in die hart van die Switserse Alpe. Daar is seker nêrens in Europa 'n hotel wat mooier geleë is as juis dié een in Beatenberg nie. Daarvandaan kyk 'n mens af op die diepblou Thunmeer en wanneer jy opwaarts kyk, het jy 'n skouspelagtige uitsig op die drie bergreuse – die Eiger, die Mönch en die Jungfrau – wat 'n fokuspunt in die omliggende Alpekettings vorm! Dis aangrypend en onbeskryflik mooi – 'n mens staan werklik verruk! Beatenberg lê naby dié bergreuse en ander beroemde bergspitse wat per kabelspoor bereik kan word. As 'n mens gelukkig is om 'n sneeuval te beleef, verander Beatenberg in 'n feëparadys! Hier vind 'n mens rus en vrede en kan jy nie anders nie as om uit te roep: "Hoe groot is U!"

WEELDERIGE HOTEL

Die hotel is toegerus met 'n binnenshuise swembad, sauna en ander ontspanningsgeriewe. Elke wooneenheid bestaan uit 'n slaapkamer, badkamer en sitkamer met 'n telefoon, radio en kleurtelevisie. Dit is strategies geleë – 10 minute se stap na die rattrein wat na die Thun-meer afry. Die munisipale bus na Interlaken vertrek van rég voor die hotel en laai 'n mens ook weer daar af. Daar is pragtige wandelpaaie in die omgewing. Elke jaar is daar toerlede wat opmerk: "Ons kan maar net in die hotel bly en die asemrowende natuurskoon geniet – dít op sigself is 'n ongelooflike vakansie!"

Kontak ons gerus indien u brosjures van die hotel en Switserland wil hê.

OPSIONELE DAGTOERE IN SWITSERLAND

Met vooraf georganiseerde toere moet die voorgeskrewe toerprogram gewoonlik nougeset gevolg word – selfs ten spyte van slegte weer. Op hierdie toer kan ons egter die dae uitkies en seker maak dat die sig goed is voordat ons 'n bergspits of mooi bergpas aandurf. Op 'n bewolkte dag besoek ons byvoorbeeld eerder 'n stad waar die weer nie so 'n groot rol speel nie. Ons vermy ook snelweë om die allermooiste natuurskoon, wat vanaf 'n snelweg dikwels onsigbaar is, te kan geniet. Ons kry die unieke geleentheid om Switserland behoorlik te verken, maar saans is ons terug in ons hotel om heerlik te ontspan sonder om in en uit hoef te pak!

Klik op die volgende dokumente vir volledige inligting:
Volledige Program
Nadere Besonderhede
Inskrywingsvorm
Vrywaring

 

 

Interlaken VoorbladAlpe Roos AlleenMatterhorn

Save

Save

Save

Save

Save

Save

Save

Save


Terug