NEDERLAND, BELGIË & ANDRÉ RIEU

Die boot gaan hoofsaaklik in Nederlandse water vaar en by Nederlandse dorpies vasmeer.  Die boot lê onder andere 'n nag in Maastricht sodat u die wêreldbekende vioolspeler André Rieu in sy tuisdorp kan sien optree.

NEDERLAND, BELGIË EN ANDRÉ RIEU-KONSERT 2019
29 Junie – 11 Julie
(R44 250 plus reisversekering en *verpligte uitgawes per persoon wat deel)
*Sien Nadere Besonderhede NIE INGESLUIT BY DIE TOERPRYS
Reisversekering word volgens eie behoefte bepaal
Ons slaap ook 'n nag in Nuenen – die idilliese Nederlandse dorpie waar die skilder Van Gogh sy eerste beroemde skildery, Die Aartappeleters, geskilder het.  Die hele dorp is op die herinneringe aan hierdie beroemde Nederlandse skilder ingestel.
As gevolg van die kombinasie van die Rieu-konsert met die bootvaart, verwag ons dat die belangstelling in hierdie toer, soos verlede jaar, buitengewoon groot gaan wees.  Moet dus nie uitstel nie en bespreek so gou as moontlik u plek indien u wil saamgaan op hierdie gewilde toer!
'n Deel van die toer sluit 'n vaart op die Ysselmeer in, waartydens ons by enkele dorpies aandoen wat die Nederlandse geskiedenis uitbeeld en hul karakter uit vroeëre jare behou het.
Ons is besonder gesteld op die gehalte van die toere wat ons aanbied.  Deeglike beplanning, hoogstaande kwaliteit en toere wat absolute waarde vir geld waarborg, is ons prioriteit. 
Aangesien ons nie baie wyd adverteer nie en die meeste toerlede gewoonlik op aanbeveling van vorige toerlede gewerf word, is ons groepe redelik homogeen.  Daarom is een van die groot kenmerke van ons toere die hegte vriendskapsbande wat onderling gesmee word.  Ons vertrou dat hierdie toer ook vir u 'n onvergeetlike ervaring sal wees!
Skakel ons indien u meer besonderhede verlang of vrae het.
Klik op die volgende dokumente vir volledige inligting:
Volledige program
Nadere Besonderhede
Inskrywingsvorm
Vrywaring
Christine van Wyk-Toere

CHRISTINE VAN WYK-TOERE is 'n familie-onderneming wat baie waarde heg aan hoëkwaliteit-diens. Met amper 40 jaar se ervaring in díe veld, het Christine se Toere vir die Fynproewer al 'n huishoudelike naam geword by elke Suid-Afrikaner wat in buitelandse gehaltetoere belangstel.